30-1-08 同事們團年之意粉屋篇

30-1-08 同事們團年之意粉屋篇
仍是冷冷的, 是日氣溫10-14度
今天幾了上司及幾位同事們一起食午飯, 到了海防道的意粉屋..
我們差不多一時到達.... 座下先點食物...
我們點了午餐套餐.....
我點了: 肉醬意粉, 另外配上蝦沙律, 餐湯-忌廉湯, 蒜蓉包, 餐茶-熱檸檬水
我還與另一位同事分享她的白汁海鮮飯..
很滿足.....

收工時分氣溫趺至10度, 立即想回家.....
回到家叮了盒糯米飯吃, 還有一盒餸... 吃得飽飽....

未到9時已早早洗澡上床了......

29-1-08 回到屯門

29-1-08

今天點奶奶家吃飯, 回到屯門真的很凍......

老公到相熟的髮型屋理髮, 我就先上奶奶家.....

奶奶今天做了臘味糯米飯, 很好吃.....
我們還外賣多盒回家, 留待作明晚之晚餐......

28-1-08 免費Haggen-Dazs雪糕

今天仍是冷冷的...
收到電郵一封, 是Haggen-Dazs的優惠..
只要填好付上的問卷調查便可得到價值$29.9的單球雪糕筒一杯, 心想真是吸引….
致電查詢是否通用, 哈…. 真的有這回事…
立即通知老公, 相約今晚的晚餐地點改為葵芳…

晚餐我們選擇了一間韓國菜的餐廳, 座下看看餐牌, 方知原來是之前在奧海城已光顧過的韓國餐廳的另一分店…

是次我們點了兩個餐, 一是韓式雜錦石鍋飯餐, 配有韓式海帶湯, 前菜-泡菜及柚子茶.
另一個餐是人參雞湯飯餐, 配有白飯, 前菜-泡菜及柚子茶.

雜錦石鍋飯餐真不錯, 配上韓式辣醬, 味道不錯, 而且有我的至愛 -- 飯焦…
至於人參雞湯飯餐就一般, 沒上次的味道濃, 而且雞也煮得不軟身, 不像平時煲湯的雞肉化開, 今次很難夾開雞肉… 味道也是淡淡的…..

點菜時有個小插曲….
當點石鍋飯時, 因本身石鍋飯上面會有一隻荷包蛋的, 因我們比較喜愛用生雞蛋勻飯, 所以向侍應要求不要將雞蛋煮了, 給我們生雞蛋便可….
侍應聽了便說生雞蛋要加$5…
我便說本身我的石鍋飯上面已有一隻荷包蛋, 我不是另外加一隻生雞蛋, 只是我想你們不要煮熟它, 生的一隻給我便可, 已經不用你們花工夫去煮, 還要另加$5??
侍應說要問問……
之後上菜時… 石鍋飯上面打了一隻生雞蛋……
吃飽後我們見還是飽飽的.. 先盪盪商場, 再去取雪糕…

到達Haggen-Dazs, 我們交回預先填好的問卷, 之後雪糕姐姐就問我們要什麼口味..
我選了至愛的夏威夷果仁味, 老公選了比利時朱古力味..

天氣那麼凍… 吃雪糕真是一流……而且還有是不,需付錢的.. 更是好味~~

上海之旅 17/2/2006 - 19/2/2006

2/17- 2/19 上海之旅

2月17日,我地出發去上海喇... 好開心.. 好耐冇搭過飛機喇..都叫可以去下旅行嘛..
上海好凍呀.. 一到步.. 凍到呢.....
我地去到間所謂既酒店.. 個感覺就好似 --- "國產凌凌漆"既呀漆去到"麗晶大賓館"一樣... 我地兩個望住個招牌... 得一個反應==> "0下,唔係嘛???!!!"....
好在入到去都尚算ok.. 都係一般既大陸二三星酒店feel lor.... 不過我地對住既要求都好簡單... 所以都冇所謂.. 至緊要係近市區.....
一出到酒店.. 即刻去買左個熱呼呼既番薯... 我地一人一半.. 正.. 不過對手就非常之凍lu..我地行呀行.... 行左去唔知邊道....最終都要搭車....
之後去到"外白渡橋", 果道見到"東方明珠塔"就係對面.. 我地影下相,之後行左去"外灘".. 果道真係好靚好靚..... 五光十色... 我地係咁影相..
之後我地行左去"南京步行街"... 好多野睇...
不過就係我地係咁掛住睇, 睇到唔知時候... 攪到間間餐館都打烊... 唉.. 咁我地求其搵左間野食算lu.... 之後就返左酒店lu..
~第一天行程完~



2月18日.. 我地遲左起身, 醒果時已經係成11點幾lu.. 冇得食樓下早餐.. 咁我地行左出去食喇... 去左一間其貌不揚既野道.. 食左d煎餃同牛肉粉c.. 都ok架.. 之後又係四維行下盪下..不過我覺得有dd唔係咁舒服... 咁冇意間見到我想食既粒粒煎餃tim.. 都幾好味... 食完食左粒藥先....
唔知點解.. 行行下又行返去外灘喎.... 我地又去左搭果個五光十色既觀光隧道過去明珠塔果邊,過到去仲睇左個極之無謂既海底奇觀, 性文化展,同埋一個乜鬼野,都唔記得係咩, 只係記得係聽野既... 把鬼到呢.... 果個海底奇觀, 仲衰過金魚街d鋪頭, 性文化展,0車... 有幾性.... 個乜鬼聽野果個仲衰... 入左去個黑馬馬既房,帶住個爛鬼handphone,聽佢果d所謂好驚既野.. 把鬼到呢??!!
之後我地就係明珠塔果邊行左陣喇, 去左個商場睇下野, 之後就搭返船過去外灘喇, 因為我地仲有下一站, 就係去食個美味而豐富既晚餐喇...
夜晚我地去左食"上海老飯店", lee間野好出名架, 好多本書仔都有介紹, 一埸黎到緊係要一試啦... 我地試左佢地出名既"八寶鴨",佢係有一隻煮到好"林"好入味既鴨,入面鑲左d有好多料既糯米飯... 仲有小籠包,酸辣湯,醉雞.. 食到好飽.... 好多野... 多到食唔晒tim...
當我地差唔多食完之際, 聽到把聲.. 係個上海婆係道好勞氣咁belibala鬧過不停.... 一望, 原來係遠處... 把聲真係勁.... 好中氣.... 原來佢只不過係鬧緊個女咋...
唉.. 咁都0係道發din, d上海婆真係...
食完野, 我地去左"新天地", 果道好似香港既蘭貴坊咁.. 係條酒吧街黎.. 好靚呀.. 我地又影左好多相...
去完"新天地", 我地仲想去沿途黎見到五光十色既百貨公司, 但係.. 佢我地去到已經係閂晒門lu... 唉.. 真係冇緣行lu, 因為我地第二日係唔會返黎lee道架喇,因為我地既時間係好緊迫架.
咁之後我地就返左酒店訓覺lu..
~ 第二天行程完 ~


2月19日... 係我地留係上海既最後一日喇, 我地早左起身, 為既, 只係一個把鬼非常既早餐... 唉.. 早知訓多陣喇.....
之後,我地就出發喇, 因為時間有限, 我地仲有好多地方想去架嘛..
我地首先去左 "南京步行街"... 去左"UNO"行, 終於行到喇, 仲買左3件抓毛褸tim, 俾爸爸媽咪同埋呀米既.. 之後, 我地去左間賣手信既地方, 買左d媽咪至like既醉蟹呀, 呀奶奶至like既綠豆餅,我至like既鴨腎.. 同埋上海至出名既咸肉啦...... 臨離開鋪頭時, 仲買左d即磨既芝麻粉同黃豆粉tim, 可以用黎返去做糯米磁....
買完手信, 我地去左出名既"老正興"食我地既豐富午餐喇... 哈哈... lee間野真係幾得喎... 入到去好似酒店咁架.. 有條大金龍係牆壁上面, 好有氣勢呀... 之後我地當然係點左書仔介紹既美食啦.. 有好好味可以連頭連殼食既"油爆海蝦", 野味非常既"鱔糊", 味道一般既"蒜泥白肉", 同味道麻麻唔係太掂既"桂花酒糟圓子"... lee間野大致上都可以, 環境美觀, 味道都ok.. 係 "桂花酒糟圓子"有d失望... 食到咁上下果時, 又見到有個上海婆大發雷霆.... belibala.... 一輪咀咁.... 係道數個侍應不是... 格離個老公好似鵪鶉咁聲都唔聲下架... 原來lee道既文化係咁既.. 上海婆lee個美譽真係並非浪得虛名架... 哈哈...
食飽飽之後, 我地搭地鐵去左"除家匯教堂"喇, 不過只係可以係出面影下相咁... 之後我地就行左去一堆百貨公司喇... 終於搵到我最想搵既水晶球波波商場"美羅城"喇... 我地當然影左唔少相喇... 我地又去左間台灣都有既"太平洋百貨", 買左我地係香港至愛既忌廉puff呀... 好咪... 一人一隻.. 買去"美羅城"去嘆咖啡.. haha...
我地去到"美羅城"搵左間starsbuck, 座左係個露天茶座嘆杯靚咖啡... 嘩.... 杯咖啡同香港一樣咁貴喎....
之後我地落左去樓下既"世家遊戲機城", 書仔介紹係上海lee間係"世家"係日本以外唯一一間既遊戲機城, 緊係要去睇下啦... 點知一入到去... 0車.....!! 仲衰過d歡樂天地.... 唉... 大陸d野真係信唔過.... 不過都有樣新發現.. 就係搵到部影bb相既機喇.... 咁我同呀米就影左張, 我地個仔都幾靚仔架.. 係個女就有少少大陸feel jet.... 唉.. made in china 係咁上下架喇, 都唔要求咁多... 不過都好, 係香港搵極都搵唔到, 原來d機賣晒上黎大陸..
之後我地就搭車走lu, 搭去轉機埸快線.... 咁就結束左我地既三日兩既上海之旅喇..
~第三天行程完~

蜜月歐洲之旅 2006年12月

sweet sweet 蜜月歐洲之旅

2006/12月

我地12月1號出發開始我地既12天honeymoon喇... 其實係11月30號晚出機場.. 零晨機哦.. 底玩....
我地心情異常興奮..... 可愛既LV GUCCI... 我地黎喇.......
一到機埸.. 去左bugerking買我好like又好耐冇食過既洋蔥圈.... 排隊時仲發現我地既團友,傾傾下知道又係黎honeymoon架... 仲同我地同一日tim.. but佢地就分開兩日攪.. 11/25同11/26...
大家差唔多年紀, 同埋又新婚.. 自然傾得埋啦.... 之後既日子我地就成日一齊喇....
撘左成十幾個鐘頭機... 點訓都唔舒服... 不過都好快到喇....
一到埗就緊係爆喼拎埋d羽絨雪褸出黎先喇..... 果時天未光得齊........

羅馬/梵蒂岡
先到梵蒂岡... 見到勁宏偉既大教堂... 真係開心... 四周維都係d好有味道既石雕.... 之後就去到羅馬廢墟.... 真係好古舊既一個廢墟, 一路行就去到聞名已久既羅馬鬥獸場...... 影相留念...... 食過lunch就過到去羅馬許願池.... 用港銀許左個願... haha.. 之後食左地道出名既雪糕.... 車.. 不外如事姐..... 夜晚過左路加......

意大利/比薩/佛羅倫斯
一大早.. 就去到比薩斜塔... 又係狂影相啦, 唔影都唔知做咩...因為冇咩野睇.... 對住個斜塔, 緊係做埋d推住呀... 錬住個塔呀果d白痴post啦..行行下發現有隻小貓.. lee隻係比薩斜塔小貓.. 影下相把弄下先...... 之後過左去佛羅倫斯喇...

威尼斯/維羅納
一去到我地第一時間沖左入GUCCI.... 入到去手起錢落... 買左條belt俾呀米.. 買左個餃子袋俾媽咪... 快狠準..... 我地係有組織及計劃二合為一會購物團.. haha
之後去左睇玻璃廠.. 佢地吹左隻小貓出黎.... 好靚呀.... 我不知幾想問佢可唔可以俾左我... haha
之後我地一行4人去左座船仔"godona"... 穿梭威尼斯既大街小巷.... 不過就冇想象中咁有水上市場喇.... 可能係sun既關係掛??!!之後我地連lunch都唔想食.. 就沖左入LV... 買左個呀米想買左好耐既格仔書包.... 而我就買左個旅行袋款既斜咩大袋keepall45同埋買返個SPEEDY35...
不過諗唔到.. 有樣可笑既野.. 就係... 我地係LV出黎.. 一轉角就有個黑人手提住大量LV, FENDI等等既名牌子手袋.... 係lee個我心目中咁高尚既地方... 買A貨既情況仲勁過深圳... 仲要就係正LV旁... 真係好笑....
夜晚過左去維羅納.. 維羅納係茱麗葉既屋企... 一去到就見到有高高既露台... 茱麗葉就係企係lee個露台同呀羅密歐講野架喇.... 見到仲有呀茱麗葉既銅像... 好大個架... 但係.. 點解呀茱麗葉個胸部既位置咁光滑呢?? 原來相傅你摸過茱麗葉個胸就會為你帶來好運.. 我緊係唔執輸.. 揸返下先啦... haha.. 走果時見到大閘同牆身周圍寫滿晒世界各地既愛意.. 好多心心呀.. 我地當然.... 冇寫啦.. 只係拍照留念.... 因為.... 我地好趕呀.. 事關沿途入黎果時見到好多名店呀..... 機不可失嘛......

米蘭/瑞士
黎到米蘭, 我地見到米蘭大教堂....好宏偉呀... 但係lee幾日黎見到太過多喇... 有d悶tim.... 之後又係我地出動買野既時間..... 我地行左米蘭名店街, 去左LV買左2個咭片套俾爸爸同細佬... 之後我地就沿住米蘭大教堂旁邊既街一路行.... 發現有間法拉利既Shop .. 有架基本上法拉利既印記既紅色跑車.. 又暗暗地影張相先啦..... 入去買左件紅色賽車褸俾呀米大佬.... 買野買到冇晒時間, 我地沖左去間bugerking買hambuger食... 嘩.. 好味呀.. 同香港既buger完全唔同.. 有肉汁架..... 唔怪得咁鬼貴啦... 食餐buger都食左成舊幾水呀...
夜晚落左瑞士琉森.... 見到條新既冇花"花橋"... 去左河邊餵天鵝.. 好左晚餐留起左個餐包jet..... 之後自費食左我"狠"左好耐想食既正宗芝士火鍋做宵夜.. 好濃味呀.. but就好重酒味.....
瑞士
一早我地就黎到瑞士鐵力士峰, 好靚呀..... 好多雪.... 係吊車站我見到隻小貓.. 又走去玩弄一番...... 我地搭左3次吊車先上到去..... 望落地面.. 有好翠綠既草地... 有好雪白既雪... 好靚.... 但就好好凍呀.. 我地上到去真係有dd高山反應... 因為同d團友追下玩下"訂"雪球, 玩左一陣已經索晒氣喇.... 玩完影完相我地落左餐廳.. 叫左碗出名既牛尾濃... 嘩.. 好味... 又濃又熱... 正......
下晝我地落返黎就去左獅子紀念碑.... 隻獅子好似好辛勞咁呀... 石雕既手工真係好靚呀.... 點知係紀念碑附近又俾我發現有小貓.. 又追住黎影影影....

法國/巴黎
今日去左睇好多野... 有凱旋門.. 日景既鐵塔.... 咩咩橋(唔記得係咩,總之又係有名架啦), 行左香樹麗舍大道, 見到LV既總壇tim,, haha.. 即時要影返張相先.....
之後我地去左間正宗法國菜餐廳... 品嚐佢地最出名既海鮮盤.... 嘩.. 美味.... 有隻好大好大既蟹...好多膏tim... yummy.. 好肥美既生蠔... 好肥美好cremy.... 大大粒既翡翠縲.. 勁爽口..... 仲有大大隻既蝦... 好新鮮爽口......唔知仲有冇漏呢......
食完晚餐我地就去左觀光船... 夜遊咁靚既夜巴黎....
上岸後上埋鐵塔.... 睇晒巴黎全相... haha... 不過上到去睇既鐵塔冇係樓下睇咁靚.. 係d咁既爛鬼鐵拉左d燈咁姐......

法國/巴黎
係我生日果日,一早就出發去羅浮宮... 期待已久既玻璃金字塔.. 我黎喇.....睇左好多著名既石雕.. 名畫(特別係"拿破崙嘉勉").... 真係好靚呀... 我個人都感染唔少文化氣息.... haha 最衰冇咩時間俾我行.. 因為真係好多好多野睇... 我諗行一日都行唔晒.... 之後去左凡爾賽後宮... lee個係一個把鬼既地劾.. 好大好大既花園黎姐.. 仲擺我地係道行成2粒幾鐘tim..... help...... 我地悶到去左湖邊睇天鵝.....
晚餐又去返尋日食果間法國菜既餐廳.... 食鵝肝同牛扒...嘩... 真係人生一大美食.... 正...... 食飽飽時領隊alvin帶來一個birthday cake.... 真係開心到爆燈... hoho.. 冇諗過可以係道食到birthday cake呀..... 係一個tirimisu黎..... 果然係歐洲風味...
食完晚餐我地去左出明既"紅磨坊"... hoho... 真係大開眼界.... 唔怪得收成千幾蚊港紙一位啦.... 真係大製作黎... 個台好靚.. d衫好靚.. d人好靚又好pro..... d女身材好正.. 佢有好多表演.. 有歌舞, 有魔術, 有影子戲, 有雜耍....... 最型一樣係冇啦啦台中間有個超大既金魚缸.. 係個女仔同條蛇玩.. 勁.... good.. 仲有香檳送tim.. 好似d有錢佬咁.. 巴閉.... haha.. 不過好攪笑... 我地前面有幾個大陸人.. 係d女出場時佢地就烏晒身去前面.. 一做其他野做"i"返後.. haha.. 咸濕佬.....
不過個領隊好好.. 知道我birthday.. 安排左我地4個座到頭幾行... 其他團友都係座好後咋... 真好.....

法國/巴黎
我去到Lafavette.. 即時又搵LV同GUCCI啦.. 因為之前開果間GUCCI既奶粉袋冇貨.. 見時間無多... 拿拿聲見鋪就沖入去.... 終於... 俾我搵到喇... 個Sales仲係識識地講港東話tim... haha.. 真開心... 起初我形象俾佢聽.. 佢望住我.. 用唔咸唔淡既港東話問我..係唔係奶粉袋?? 我地一齊係道爆笑.. haha.. 竟然可以搵到個講港東話既人.. 之前我地搵到講普通話已經係好叻架喇.....
當然.. 我即時手起錢落啦... coz得返last一個咋.....
之後沖埋入LV.. 問埋仲有冇白格仔既袋.... OHNO.... 講到全歐洲冇貨.... 全部袋款都冇??? CARZY...... 得返D銀包..... 唉..

英國
我地旅程已經到左尾聲喇.... 搭eurostar火車去到英國......
到達英國.. 我地第一時間去左睇出名既大笨鐘同埋lodon eye, 仲見返好耐冇見既紅色皇冠郵筒同埋紅色雙層巴士.仲有紅色格格電話亭. 見到好多0係香港用黎做結婚主車既lodon taxi tim... 我仲見到pink london taxi.. 即時走埋去影張相....
去到大英博物館... 又係一個字... 正... 好多野睇.. 例如有木乃貓啦.... but又係唔夠時間睇... 可惜....
夜晚我地既自由時間, 我地係酒店出面四維行.... 行左去一間幾有情調既餐廳... 食牛扒.... 唔錯....
路途中仲見到H&M tim.... 果時都未黎到香港......

英國
到左旅程既最後一日喇.. 我地一早出左去白金漢宮.. 睇換兵儀式... 之後過左唐人街.... 午餐後行左一間專賣運動用品既公司"lillywhite",佢旁邊有個水池.. 就係而家"瞬間看地球"時影london就係影lee道架喇...
呀米一入到去即時病發咁係咁狂掃車仔既野... 外套, 頸巾, 毛氈, 就連地毯都無一幸免.... haha 決定要洗晒d英磅...
買野買到冇晒時間.. 最終我地都係去左m記買左hambuger做我地既lunch...... 之後就急急腳返酒店拎埋d行李就上車出機場喇...

出到機場... 我購物狂又發作... 見到boots又狂買... 又狂買chocolate做手信... 點都要用盡一分一毫...四維"r" d碎銀... haha
直到上機前一刻先停止.....

登機前... 我地要除鞋做checking.... 好地覺得好肉酸... 乜我地似恐怖份子咩??

又經歷十幾個鐘頭... 有樣野唔記得左做... 講好左要食杯面嘛... 竟然掛住訓唔記得左.. 激氣....

我地終於返到黎香港喇... 真係有d唔捨得..... 外國人既優閒.... 外國既風光..... 外國既平價lv gucci......

總括黎講.. 今次歐洲之旅既記憶係有.... 教堂... 石雕.... 難食既意粉... LV....... 浪漫既情懷....

婚後一星期

婚後第一日
一起身就分左男家女家禮.. 準就帶返女家禮俾媽咪... 之後就執埋d禮服去還衫喇... 至緊要點齊晒d衣架呀.. 衣袋以免俾人罰錢..
跟住我地就帶埋d金器準備還完衫就回門喇... 我地先出去新娘天地先.. 再去金粉, 尾站就去埋永隆喇....
之後我地就上返帝廷拎埋隻回門乳豬就返入屯門喇...
入到屯門.. 第一件事就係返去奶奶道做個"新新抱奉茶"儀式先..... 之後就返返娘家做回門儀式喇....
但去到大廈門口.. 呀米有電話到... 咁lee個回門儀式就得我一個人入門口喇... 呀米就隨後上黎喇... 都唔知攪咩.....奇怪......
夜晚返到屋企.... 做左樣個個婚後都第一時候做既野.. 就係拆人情喇... haha... 過程都有唔少"驚" & "喜" 架.. haha

婚後第二日
一起身me下mor下... 攪到成3點幾先出門口.... 趕住去bank入錢.. 真係趕到氣咳呀... haha

婚後第三日
今日要上大陸擺酒.... 我就著返自己做果條"大紅直身小拖尾"晚裝.... 帶晒飲剩既紅酒烈酒......上到去到成4點幾5點喇... 拿拿聲上酒店房化妝換衫... 好在擺酒地點就係酒店地下既酒家...
大陸擺酒同香港好唔同... d菜一次過上晒.. 成table都係.. 唔係一個個上..... 敬完酒... 不停有人走黎敬酒... 嚇屎.......
跟住d人食完就好快咁走..... 唔洗點送客.. haha.. 上返房都好似係8點幾9點.... 全程都唔晒2粒鐘... 快.......

婚後第四日
一早起身就落樓下食早餐... 個個都早過我地到... 我地住樓上都竟然係最遲果個.....
食完就即刻落返香港.... 趕住過灣仔...

大日子當日實錄 25/11/2006

大日子當日實錄 25/11/2006

大日子喇..... 到左11/25~~

終於到左大婚之日喇... 攪左成2年既大project終於到交功課既時間喇......
今朝起身見咁好陽光真係開心.. 因為話11/25會有雨呀.. 好左天色咁靚.. 真係天公做美..

我6點零就起左身lu... 再fu多次mask先.... 化妝師"高兒"好早黎到....
媽咪佢地亦好早到.. 仲買左早餐俾我同伴娘食tim...
但係早上個裝我唔係好滿意.. 因為佢只係同我貼雙眼皮貼紙貼一隻眼, 另一隻本身有雙眼皮既眼佢冇貼.. 攪到好似大細超咁.. 影出黎效果唔得...

兄弟門到左.. 玩下game就奉茶儀式喇... 11點出門..... 出門時好好太陽.. 影d相出黎好靚..

去到男家就拜下祖先, 奉茶儀式.... 老爺奶奶非常之感動哦.... 可能係覺得呀米終於大個仔喇... 我就覺得係呀老爺奶奶終於娶到我lee個咁乖巧同埋又咁溫文儒雅既新抱先至咁開心咁感動啦... haha

食埋午飯, 我地就出發去婚姻註冊處喇... 往註冊處途中有少少雨... 希望到3:00好天啦....

出到尖沙咀... 塞左一段時間車.. 心情焦急之時呀伴郎竟然話急new!! oh no.... 我已經好心急... 因為我個頭仲未攪掂晒.. 仲要執執.. 時間已經好緊迫..... 仲要車伴郎去廁所..... 係等佢去廁所既期間我已經面黑黑..... 我自己都唔敢點飲水怕要去廁所... 點解係時間咁迫既時候要去呢?? 不過而家諗真d又真係控制唔到既... 我相信佢自己都估唔到會咁啦.. 都係我果一刻心急左d.....

到左註冊處, 好多人... 但我搵唔到化妝師同d姊妹... 呀米發晒火咁搵人.. 因為我個頭仲未攪掂... 果時係仲有4個字要入去喇....
我地冇時間到一邊set頭, 一邊簽第一份文件.. 俾身份証... haha....

進場前我發覺擺漏左幅油畫........

到左進場喇.. 爸爸拖我進場... 唔開心既野又發生喇... 冇音樂??!! 我最鍾意果首莊嚴而有氣勢既"結婚進行曲"冇左...
入到去問d職員,話壞左??!!.. 吹脹..... 我話你再試多次.. 佢先走去開.... 咁我既 "結婚進行曲"就只係做左我地註冊過程既配樂喇...
算數啦... 其實拍左movie出黎既效果真係唔覺冇左音樂.. 因為有好大聱既歡呼聲.....
到左拋花球時間.. 內定接花球既係伴娘(因為佢07年10月結婚喇)... 點知風大... 飛到好遠.... 冇人接到.... 姊妹"綺玲"執起俾左件娘... 佢呆一呆...... ("綺玲"閃電係07年2月扒頭結左婚喇, 仲即時有喜tim, 原來拎到花球會結婚先lee個傳說係真架)

影相時好在冇雨.. 但就好大風.. 影左少少相就上酒樓喇....

上到酒樓.. 竟然有人早過我地上黎.. 就係我d同事"s喇... 上左黎打麻雀喇.. haha

又開始化妝換衫... 換左套"湖水綠吊帶泡泡水晶傘裙"同一套"紫色low cut超閃層層傘裙"(就係lee件千呼萬喚左好耐既晚裝), 玩下玩下好快就到8點喇, 我就轉"lowcut大拖尾超閃泡泡婚紗"準備進場...

"高兒"幫我set左個前面"東甩圈圈"頭.. 好正.. 全日我最滿意就係lee個樣.. 加埋我至愛既自家制禮帽同至愛既婚紗.. 我俾自己99.9分... hehe.. 扣左果0.1分係因為我唔夠肥.. 同冇咩身材... hoho

進場果時好緊張.. 個咀一路笑一路震... haha.. 致謝果時就少少緊張.. 少少激動喇... 不過老公睇movie果時話我講得好大方得體哦... haha

之後入席左唔夠一陣我就要去換年紅色大露背直身晚裝準備敬酒喇.... 我件好似金鋪background咁紅既晚裝襯埋d金器緊係好好睇啦... haha

敬完酒我又要即刻換件粉橙lace掛頸閃閃傘裙準備送客喇..... 出到黎補影左幾張相就要去送客喇...

送完客真係一身鬆晒.... 攪左成2年既大project圓滿結束喇... 又到人生另一階段喇......

婚宴後呀米就同d兄弟去狂歡.. 我就而得拿拿聲返去沖涼洗頭.. 對眼好重... 好似搽左好多野上去咁.... haha

婚前準備 2006/11月

2006/11月

一路發帖一路發覺好多人要請... 早早問屋企人有咩人要請.. 當時個個都話唔會點請人... 到時先算...而家臨埋門一腳就係咁俾人名我地叫我地print帖.. help.... 攪到我地失晒預算.... 最好笑係結婚前兩日仲話有名要加... 結婚前兩日仲print緊帖... 哈哈....
我就結婚前日半先開始放假.. haha 好在我好d野早早攪好晒..
媽咪串左一套水晶頸飾連耳環俾我.. 好靚呀, 仲有2隻裙褂頭花同埋仲織左件閃閃毛毛被肩俾我tim.. 好靚呀
結婚前兩星期.. 酒店覆我, 我做緊waiting list果間總統套房我可以用喇... 好野... lee間房大間d架... 有2個廳可以玩新郎.. hoho.. 真係開心野不斷咁黎.... 之前我知lee間總統套房俾人book左即時喊左出黎.. 因為果時一心就想book架嘛.. 點知俾人book左先... 而家真係開心晒...

但有樣令我唔係咁開心既事就係原先伴娘comfirm左條裙, 係我婚前一個星期先佢話唔鍾意.. 自己已經買左條短身d既裙..唔會著我租果條... 我聽到果一刻真係幾嬲架... 我已經好多野攪, 唔鍾意為咩唔租果時開聲... 咁算啦.. 我再補錢轉多條裙俾自己lor..

婚前三日
日日都係做緊同一樣野... 執位, 執野pack袋... 又成6點幾先訓..

婚前兩日
訓左唔夠3粒鐘, 又要返工喇.. 下午開始我既婚假... 先去洗牙, 再去新娘天地拎婚紗禮服, 再遛夜同媽咪北上整指甲, 再夜媽媽沖返落黎..
返到屋企仲要執位, 執野pack袋... 攪到成7點幾都仲未訓得...

婚前最後一日
一早起身... 又係一連串執野, 之後就約左媽咪奶奶過左去金粉佳人final fitting拎衫喇.. 同佢拎完再落埋永隆拎褂...
次後就拎左d油畫呀.. 小禮物果d去酒樓....
之後就返去屯門食晚飯再返屋企上頭.. 三姨幫我上頭呀.....
上完頭之後, 細佬就送我去酒店喇... 伴娘就係酒店等我...
細佬車我過酒店途中眼敏感又番發.... 我既成輯結婚相同movie佢都做左檬眼仔.. 戴左眼鏡都見到佢紅腫既雙眼....
到左酒店我就fu下mask咁啦... 好快訓著lu... 又唔係好緊張咋.. hehe..

見家長 2006年2月5日 正月初八

見家長 2006年2月5日 正月初八

2006年2月5日係我地見家長既大日子..

我地plan係lee個日子舉行lee個活動, 係貪"新正頭", 個個都高高興興開開心心.. 係咁既情況下見面,會好好多既.....

我地相約係洪水橋既香spicy屋會面... 因為... lee道既氣氛會冇酒樓咁緊張... 會好似relex d.....

我地一早到達...... 係等待呀老爺奶奶時其間.... 我既心情異常緊張... 好擔心佢地唔知會傾咩呢??

當大家見面, 每個人都好見外咁... 聽到佢地稱呼對方叫咩生咩太.. 好攪笑....

呀奶奶仲帶備一盒麥提沙黎送俾我地tim, 話都叫"新正頭", 都要既....

不過, 今次會面尚算順利, 當初擔心佢地會冇話題其實係多餘既, 佢地真係會自動波架喎, 都冇咩悶場...

到走既時候, 大家仲有握手tim... 氣氛都好好....

新天地婚紗攝影實錄2005年10月1日國慶日

新天地婚紗攝影實錄2005年10月1日國慶日

十月一號,係國慶日,有煙花睇呀, 亦係我地拍攝新天地婚紗相既日子... 一早起來, 心情有一點點既開心, 又有一點點既緊張... 趕快做多次mask 先.. 哈哈, 要keep住至靚至好既一面.... 因為時間既關係, 我仲一邊做mask, 一邊食我地既豐富早餐tim.. 因為, 我知我地之後係冇咩時間食到野架喇, 將會係好忙碌既一天.......

之後趕快咁 出門口, 記得帶齊野.... 有鞋,化妝用品, girdle.. 仲有就係我千挑萬選既靚靚花球.... 係一個橙黃色既茶花花球, lee個花球會陪我一齊渡過大日子架......

我地10點就到達九龍塘新天地拍攝場地喇, 一到達開始化妝換靚衫, 幫我化妝既化妝師Tiffany Ling喇.. 哈哈... 真係好好彩, 俾我book到佢... 佢既手勢真係好得, 並非浪得虛名.....
將我lee個平平無奇既小女孩, 打扮到成個小公主咁.... 真係好開心... 同埋難得既係... 佢一d都唔cool, 仲好好傾tim... 令我感覺好好呀....

我著既第一套衫係stephy既白色傘傘泡泡婚紗... 好靚, 有d細細既粉橙小花, tiffany仲同我襯返個花球搵左個黃色neck花同小小花環頭飾tim.... 個image好cute...... 而呀米就著左套白色禮服, 化左個唔多覺有化過既妝.. 哈哈... 都好英俊喔....... 好開心.... 感覺好好呀...

幫我地影相既係大JOE同呀砲... 佢地真係好有攪笑既天份.... 真係令到我地成日係咁笑.....

到我換第二套衫喇, 都係stephy影廣告時著既白色直身low-cut小拖尾婚紗, lee套衫係我至鍾意架, 因為佢好grand, 真係高貴萬分.... tiffany同我襯左個好靚既頭飾, 係有粒小晶吊係眉心咁既.. 有d中東味道咁架.. 好靚呀......

之後呀米都換左套黑色禮服, lee套既感覺又唔同晒.... 不過.. 都一樣咁靚仔俊俏... 哈哈..

我就再換第三套衫喇, 係呀米幫我千挑萬選既紫色晚裝, 好特別, 佢係裙尾係有d閃石既蝴蝶結花紋既... 同埋lee隻深紫色好高貴呀.....

到左final我地影民族服喇, 我地係選左西式古裝服, 即係女仔係豬腸頭宮廷衫, 男仔係果d大荷葉領衫帶長幼劍果d做型... 好攪笑...... 不過有d失策... 因為..... 我件民族服又係深紫色既.... 咁咪同晚裝撞色lor.... 不過好在我民族服唔會要咁多, 咁都冇咩所謂咋...

我地玩左成日.. 玩到成9點幾先走, 真係利害呀...
真係好"支力"喇... 不過, 又好開心喎....

求婚記 12/7/05

求婚記 12/7/05
真係冇諗過米米會咁樣同我求婚架

咁就0係我生日果日, 呀米米佢叫花店送左花花去我公司, 果日我下晝放假既, 佢黎接我收工..
我問佢.."今日會去邊慶祝??"
佢又唔講喎, 話"唔話你知"咁喎... 神神秘秘咁..
我問佢.."去咩區架??"
佢話"咩區都會去,港九新界都會去架"!!
咁佢話"不如去奧海成影下相 先啦", 因為我好like x’mas去d商場影d x'mas既佈置架..
咁過到去,都冇咩靚0野影喎, 咁我地咪走lor..

咁我問"之後去邊道好呀??"
佢話.. "um.. 都未夠鐘".
我話.."e... 你book左野呀?"
佢話.."係呀.你一陣咪知lor".. 又係神神秘秘咁
咁我果日又好似有d唔係好舒服咁, 咪係車恰左陣lor.

之後醒左, 原來去左半島酒店喎, 咁0係門口有幫我地泊好架車,我地就行左入去喇..
咁我咪問佢.."我地係咪黎hightea呀 ??", 因為果時4點到.
佢又話唔係喎…
咁佢去左counter道, 叫我自已四維去行下..

咁之後佢過黎叫我, 有個人帶左我地去搭lift, 上左去30/f, 我見到係間飛機餐廳, 咁果個帶我地上黎既人叫我地座低, 睇下video 先, 咁套野係講0係直昇機上面要點做既..

我問佢"我地搭直昇機??"
佢笑笑口咁, 冇出聲...

咁睇完有人帶我地上去停機坪, 之後上到機..
實在好開心呀, 因為都冇諗過lee生人會有機會搭直昇機嘛, 咁起飛之後我咪好興奮咁四維睇下風景lor.. 仲係咁影相tim..

點知當我令返轉頭望向米米果邊之際...
我見到佢拎0左張咭出黎, 寫左”求婚證書”咁, 佢指住張咭, 果一刻我真係好感動....
d眼淚已經湧緊出黎喇..

當佢將張咭打開, 入面寫左14句既詩, ”詠琴你嫁俾我啦,一生一生陪伴你” 由lee 14個字做開頭既詩, 佢同我講 ”你嫁俾我啦”.. 我即時喊到收唔到聲呀....

之後佢拎埋隻介子出黎, 我果時都好似傻0左咁0係道喊, 冇晒反應, 咁佢就同我帶起隻介子喇..
好開心, 真係好開心..

之後我地0係半島頂樓間filex食晚飯tim, 果道真係好靚, 環境真係好靚…
個view真係無敵架… 好靚…

咁佢咪同我講返, 話"係咪真係港九新界都去暈晒呢.."!!

原來佢已經由9月開始籌備架喇, 我真係好開心, 一路都冇諗過佢會咁樣做架, 仲花0左咁多心機同時間..
一路我都只係諗佢向我既求婚會係好平淡既, 冇諗過咁有心思..

連首詩都係佢自己諗架.. 真係好開心..

好感動.....

27-1-08 冷冷的一天

今天真的很冷, 我真的不願起床....
在床上懶到1時許, 吃了叮熱了的muffin及曲奇, 又再倒頭大睡.....
到了晚上7時許, 起來又是吃.....
冷冷的.. 最好又來個火鍋....
將冰箱的丸子拿出來, 加上烏冬及一丁麵...來個沙爹湯底.....
其實只是將丸子麵搬了出客廳煮.....

切了些蒜蓉, 加上沙爹醬, 蒸魚醬油及麻辣粉做了個點醬....
湯底亦落了幾粒蒜頭....

暖暖的... 一邊吃著一邊看著"野蠻奶奶"大結局..... 一樂也~~

26-1-08 理髮日

今天相約Jenny及brenda一同電髮去...
到Jenny相熟的理髮店... 位於銅鑼灣...
到達銅鑼灣, 先到理髮店的麵食店, 點了出名的雞亦尖... 但味道沒以前好...
吃飽飽進便到理髮店"e-hair"...
入店內我先將列印好的圖片交給Jenny相熟的髮型師Jay, Jay看看後便開始修個髮型..
洗完頭再給我上卷卷, 夾上八爪魚....
電好之後再做顏色.. 完工....
歷時約6小時... 其實不是做的時間耐, 而是等的時間略長....
可能臨近新年, 個個都像我的心態一樣... 想理髮過年, 客人特別多....
同時因為指定要Jay的客人亦很多(心想Jay的名氣也不少哦).... 所以我的等候時間便更長....
是次曲髮滿意度80分, 與圖的相似度70分
(未滿意點:因頭頂不夠曲及髮尾略碎... 修得比較短, 染髮頭頂與髮腳不一 )
(滿意點:整個做型不錯, 特別是前面的斜留海)

做好之後我們到"滿江紅"吃麻辣火鍋, 之後Brenda有對將結婚的朋友加入...
點了很多食物.... 但我覺得今次麻辣火鍋不太麻不太辣... 但價錢不實惠, , 我們一行7人, 盛惠$1500..

吃完已經是11時許了...

Brenda幫我們換了上次party的禮物"酒杯輪盤套裝", 今次帶給我們....

多謝 brenda, 麻煩了要將盒禮物帶來帶去....
多謝 jenny, 帶了我到一間不錯的髮型屋....

燕麥朱古力曲奇

25-1-08
燕麥朱古力曲奇

今天打算做曲奇給jenny一試, 想起家中有些燕麥, 不如來個燕麥曲奇.....

燕麥朱古力曲奇材料：

A
含鹽牛油1/3一磚 (約75g)
砂糖30g
蛋黃 1個

B
燕麥40g

C

低筋麵粉 80g

朱古力粉30g

A
1. 含鹽牛油放置於室溫1-1.5小時至軟身。
2. 先以打蛋器將牛油略為打軟，再分3次加入糖打至軟滑。
3. 分之加入蛋黃打勻。

B
燕麥備用

C
低筋麵粉+可可粉混合過篩

D
將A加B搓勻, 再和C搓勻，如麵團太軟可用保鮮紙封好冷藏20分鐘才取出(我冇雪, 因略為乾身)再以檊麵棒檊平至3mm厚，印模後放在焗盆上，放入已預熱170度之焗爐焗15分鐘，放涼便可享用。

(我將粉團搓勻時, 因不夠濕, 所以加了餘下的蛋白, 但不知是不是加了蛋白的問題或是加了燕麥, 是次製成品口感比較硬身.. 有等待改善)

25-1-08 荷里活廣場見

今天收到e-mail, 得知到鑽可山荷里活廣場只需備有紅色物品便可享有3小時免費泊車..
心想晚餐未有著落, 不如到荷里活廣場走一倘...
收工時老公到來接我, 但星期五的晚上街道頗為擠塞...
塞了多時才到達....

一到埗即找店子醫肚...... 找來一間吃西餐的..
點了一個西冷牛扒及一個牛柳, 兩個餐都配上餐湯, 餐包及飲品...
味道不錯.....

吃飽後便到電器店, 因想買dvd錄影機已多時了, 真的要認真的看看...

看了多間, "best", "百老匯"及"國美" 都找不到心中理想的型號....

之後我們到"瑪莎"... 買了老公既至愛.. 朱古力muffin, 另外就買了包nuts同一盒香橙朱古力餅...
3件貸盛惠$100..... 不過真的是一分錢一分貨.... 其實地方買的都不及這裡買的好味...
不過今次就沒有買我的至愛薯片了.. 因家尚有存貨....

到9時許我們便打道回府了..... 因還要做曲奇....
jenny想試試我的手藝... 我打算做好, 明天可帶給他們一試....

麻辣雞

19-1-08
網友介紹一味野味小菜, 做法不太難.....
難得一個星期六, 要試試看...

麻辣雞
材料:
雞
薑
指天椒
草果
八角
辣椒乾
麻辣粉
生抽
雞粉
水半碗

薑切粗絲約細半碗, 連指天椒草果八角辣椒乾落鍋爆香.
落雞.及麻辣粉 ==> 炒
落生抽(要多小小)及小小雞粉==> 炒
放碗半水,中火炆約五分鐘
見收剩到汁好濃就可以

朱古力曲奇之體驗版

19-1-08跟隨網上食譜做了朱古力曲奇, 出來較果竟出奇地好吃~~
向各位分享下~~
食譜如下:

巧克力曲奇材料：

A
含鹽牛油1/3一磚 (約75g)
砂糖30g
蛋黃 1個
香油 1茶匙 (我沒有加)

B
低筋麵粉 120g
朱古力粉30g (我試了30g太甜,可試20-25g, 但減可可粉同時要加相同份量麵粉, 即totel要有150g粉{我用吉百利紫色樽果隻古力粉, 好香古力味} )

A
1. 含鹽牛油放置於室溫1-1.5小時至軟身。(我切簿片再切粒好快片快軟化)
2. 先以打蛋器將牛油略為打軟，再分3次加入糖打至軟滑(呈稍黃之奶白色)。
3. 分之加入蛋黃及香油打勻。

B
低筋麵粉加可可粉混合過篩

C
將A和B搓勻，如麵團太軟可用保鮮紙封好冷藏20分鐘才取出(我沒有雪, 因略為乾身)
再以檊麵棒檊平至3mm厚，印模後放在焗盆上，放入已預熱170度之焗爐焗15分鐘，放涼便可享用。

(自己需時不時要睇下..個個焗爐都會有溫差, 怕會焗燶)
(如做牛油曲奇, 可減去古力粉, 即用150g麵粉 )
(亦可自行加果仁/朱古力粒/果乾做果仁曲奇 )

( ) 為我的小tips =^_^=

是次製作很成功, 口感鬆脆~~

英文名

轉自網路

改英文名真係要小心

時限篇

Judy Fan (早D返), Andy Fan (晏D返), Jack Cheung ( 即將), Judy Heung (早D香),Trendy Lam(趁地稔)

食物篇

Robert Ko (蘿蔔糕) Albert Yip (牛柏葉), Barbie Kiu (Barbecue), Rita Lai (維他奶), Frankie Tong (蕃茄湯), Jeffrey Tong (豬肺湯)Pinky Lam (冰淇淋), Mic Kong (米缸)

攪笑篇

Samuel Lam(性無能). Ben Chu (笨豬), Ben Chow (賓周), Paul Chu (破 處),PaulChan (破產 ), Annie Mo(Animal), DanielWu (訂尿壺), Joe Yeung(遭殃).

地點∕家居篇

Marble To(馬寶道), Suky Wan (筲箕灣), Polly Cheung (玻璃窗), June Cheung(磚牆)

事先張揚篇

Billy Chun (比你蠢), Billy Chow (比你醜), Ken Lau (簡陋), Ivy Yan (矮肥人), Ken Chan (驚青 ), Brain To(不仁道)

怨天尤人篇

Mick Tso (咪嘈), Daisy Hui (打死佢), Peter Siu ( 俾得少), Ida Chan (捱得慘), Molly Yau (冇理由), Joe Ko (糟糕)

曲髮

新年來個大變身 --- 電髮

想趁尚有青春來個野性的大曲髮......

曾經電過曲髮, 好像年長數年 =_="....

希望今次不會有這個效果啦.....

挑選了幾個款式, 不知那個比例合適??

24-1-08 寒冷的星期四

今天起來, 還未意會到街外的凍... 眼看電視報導14-17度, 心想應不是那麼冷呢....
怎料到一落到樓下會那麼凍.. 越行越凍...
就連平時覺得暖暖的旅遊巴又是凍凍的.....

下午也不想到樓下買外賣... 想出外吃一頓熱呼呼飽飽的....
中午跟同事們一起出外午飯... 難得的一天..
平常的我總愛留左公司, 買外賣回公司吃, 靜靜的觀看you-tube的劇集...
早前追看"14歲媽媽", 現在會看回"我們這一家"...

今天的午餐是"肉醬炸雞脾火腿飯" 配上 "熱檸檬水"
天氣凍的關係, 或是有我的至愛肉醬的關係, 我也比平日吃多了飯呢...

晚上相約爸爸媽咪一起晚飯, 時間尚早, 我走一轉賣做蛋糕的小店, 代jenny買焗曲奇用品..
近來我戀上做餅, 上星期六成功做成朱古力曲奇, 心情異常興奮, 打算再做一次..
這做餅風氣又感染了jenny..
此行收獲有曲奇袋及曲奇模...

之後會合爸媽... 今晚我們吃越南餐.. 雖然仍舊沒有加一小費, 但已比之前貴多了...
我們散叫幾味菜, 有"越式併盤-香矛豬扒,香矛雞奕, 越式春卷及蔗蝦","酸辣鳳爪", "咖哩雞", "蒜蓉包", "香矛豬扒飯"及"香矛豬扒河粉", 味道尚可, 但價錢就不及早前化算了.......

吃飽後還到樓下的珍珠奶茶店買飲品..... 媽咪點了個"梅子檸檬彈珠茶", 而我就點了個"珍珠奶茶"..
天氣凍還飲凍飲... 手都彊了.......

天氣凍.... 飲飽食醉後即打道回府~~

母親的一生為你做了什麼?你知道嗎?

轉自網路上: "母親的一生為你做了什麼?? 你知道嗎?"

當你1歲的時候,她喂你吃奶並給你洗澡;而作為報答,你整晚的哭著

當你3歲的時候,她憐愛的為你做菜;而作為報答,你把一盤她做的菜扔在地上

當你4歲的時候,她給你買下彩筆；而作為報答，你畫滿牆的抽象畫

當你5歲的時候,她給你買了漂亮的衣服；而作為報答，你穿著它到泥坑里玩

當你7歲的時候,她給你買了球；而作為報答，你用球打破了鄰居的玻璃

當你9歲的時候,她付了很多錢給你輔導鋼琴；而作為報答，你常常曠課並不去練習

當你11歲的時候,她陪你還有你的朋友們去看電影；而作為報答，你讓她坐另一排去

當你13歲的時候,她建議你去把頭發剪了，而你說她不懂什麼是現在的時髦發型

當你14歲的時候,她付了你一個月的夏令營費用，而你卻一整月沒有打一個電話給她

當你15歲的時候,她下班回家想擁抱你一下，而作為報答，你轉身進屋把門插上了

當你17歲的時候,她在等一個重要的電話，而你卻抱著電話和你的朋友聊了一晚上

當你18歲的時候,她為你高中畢業感動得流下眼淚而你卻跟朋友在外聚會到天亮

當你19歲的時候,她付了你的大學學費又送你到學校，你要求她在遠點下車怕同學看見笑話

當你20歲的時候,她問你“你整天去哪”，而你回答︰我不想像你一樣

當你23歲的時候,她給你買家具布置你的新家,而你對朋友說她買的家具真糟糕

當你30歲的時候,她對怎樣照顧小孩提出勸告,而你對她說:媽,時代不同了

當你40歲的時候,她給你打電話,說今天生日,而你回答:媽,我很忙沒時間

當你50歲的時候,她常常患病,需要你的看護,而你卻為你的兒女在奔波

終于有一天,她去世了,突然你想起了所有從來沒做過的事,它們像榔頭般痛擊著你的心

如果母親仍健在,那麼別忘了比以往任何時候都更深地愛著她。

如果她已經不幸永遠離開了你,那麼你必須記得,母愛才是天底下最無私的愛

母親們明知結果如此, 依然會悉心照顧自己的兒女, 母愛是如此偉大~~

請各位好好孝順父母~~

23-1-08 滿足的一天

今日收到公司信... 是講及加人薪及花紅...
原先打定輸數應沒有加得怎麼好... 想不到原來都不錯呢...
亦比我預期中的大公司加薪幅度好..
至於花紅, 比前公司好多了...

原先準備過年後轉工, 現在又好像打消這個念頭.....
但.. 魚不過塘不肥, 是不是應再出外試試??

癡情貓公伴貓妻屍哀號

本文來源：海峽都市報1月23日報導

「貓也重情，不比人差。」

福建福州市一隻母貓過馬路時被車撞死，另一隻公貓見狀後趴在母貓的屍體上拚命地撫摸和哀號，在馬路中央久久不願離去，此情此景也讓不少路人感到心酸。

馬路嬉戲不幸遭車撞

公貓撲到母貓身上，用爪子一遍又一遍地撫摩著母貓

一隻活貓，一隻死貓，就這樣偎依著，在馬路中央，久久不散。圍觀的人都不敢上前，清潔工剛上前一步，就引來這只花貓淒厲的叫聲。它們倆都是流浪貓，經常在那邊草叢裏竄來竄去的。”福州三利花園的保安陳師傅說，已經死掉的棕黑色母貓是先來的，後來黃白花的公貓來陪它。兩隻貓天天在一起，很親熱的樣子。昨天下午1點，它們跟往常一樣竄到馬路上嬉戲，一輛小車開過，母貓倒在血泊中。當時在社區門口休息的劉依伯說，母貓被撞死時沒發出任何響動，公貓還很歡實地往前跑。“像有感應一樣，它猛地一停，扭頭，然後像箭一樣撲過去。那個叫聲聽得人心寒！”公貓撲到母貓身上，先用爪子一遍又一遍地撫摩著母貓，“就像醫生急救做心肺復蘇一樣。”做了十幾分鐘，母貓沒動，公貓整個身子都挨了上去，不停地蹭著，簡直都要把母貓拱起來了。大約半個小時，公貓就像瘋了一樣，叼著母貓的屍體拼命地甩啊甩，甩不動，就咬著母貓的尾巴，還是甩不動，公貓發出一聲淒慘的叫聲，然後就趴在母貓身上哀號。這時圍觀的人越來越多了，有些十七八歲的小姑娘眼中有淚花。兩點半左右，清潔工又試著上前幾步，這回公貓沒動，她就把貓屍收拾到垃圾車裏，走了。公貓就這麼呆呆地看著。又過了大約半個小時，它才起身，一步一步，慢慢地走遠了。"貓也重情，不比人差啊。”路人們嘀咕著，也散了。

(本文來源：海峽都市報 )

貓都可以咁重感情, 點解反之人類既感情可以咁脆弱??

請各位專重生命, 專重小動物...