Wednesday, June 11, 2008

泰國自由人之旅 Day 2 ~ 30-6-08

泰國自由人之旅 Day 2 ~ 30-6-08

day 2 出發前計劃既行程
the tide resort hotel ==> baiyoke boutique hotel ==> 水門雞飯 ==> super rich ==> 新世貿 ==> 法式火鍋 ==> big c ==> 7th sense ==> hotel

day 2 真實行程
the tide resort hotel ==> baiyoke boutique hotel ==> super rich ==> 新世貿 ==> 法式火鍋 ==> 7th sense ==> 水門雞飯 ==> hotel


原先plan一早起身落沙灘影相..... 點知..... 緊係唔得啦... 起身已經係8點幾喇... 仲話要8點幾落去睇d水清唔清tim...

梳洗下... 就急急腳落去食早餐喇.... 早餐都幾豐富呀....

仲有靚靚既泳池同埋咁好既天色景襯托住tim.... 真係gd呀....

點知.. 食食下.. 我個肚非常之唔爭氣... 攪肚痛...... 緊係尋日d野食有問題啦......

lee lee林林沖去廁所..... 好在係酒店入面咁方便jet....

10點左右.. 我地就出左去沙灘喇... 出到去... 已經見到有香蕉船開左工lu.......

行出去睇下... d水確係清d架bor.... 之但係都係見唔到有魚仔lor... 只係有d細細既寄居蟹仔.... 捉左黎玩弄一番......

再影下相都成10點9喇.... 我地就返上酒店汁野喇.. 因為book左車12點黎接我地出曼谷市.... 咁我地11點半check out都差唔多喇....

上返房已經一身汗.. 又沖多次涼先走..... 11點鬆d.. 樓下reception打上黎... 問會唔會租多日... 我話唔會喇.. 而家check out架喇......

11點半落樓喇... check out埋都係11點8咋.... 咁我地係sofa就等啦.... 心諗唔知尋晚book唔book到架車架.....

d姐姐見我地check左out都仲未走.. 走埋黎同我地講話已經check好out喇.. 可以走架喇.. (因為我係網上俾左錢先, 所以唔洗找數架喇).. 我話我地等緊架車不過仲未到.... 可唔可以幫我call下司機, 睇下幾時到呢?? 佢幫我地call... 話15分鐘內到喇.. 咁我地就等多陣啦... 之後10分鐘到... 佢就黎到喇.....

今次架車係平時既私家車黎... 都叫房車既... 但就冇咩冷氣lor.... 可能係唔夠.. 仲加左把風扇仔.... 司機叔叔都成日攪把風扇仔吹我地.. 怕我地熱得濟..... 對今次lee個司機好有好感... 可能係佢識講英文既關係... 佢好肯同我地傾計... 仲介紹四維環境俾我地知tim..... 好在.. 架車行行下都有返d冷氣....

入到曼谷市... 已經係1點幾喇..... 已經有d塞車喇..... 可能係我地住得比較市中心.. 所以都幾塞下.... 到酒店已經係1點半喇..... 我地book左 baiyoke boutique hotel, 佢既姐妹店係baiyoke sky hotel.. 係全曼谷市最高既酒店... 價錢當然貴啦....

而我地book lee間酒店係網上d人推介既... 價錢超平.... 近市中心..... 樓下附近都係d時裝批發既鋪.... 行去新世貿都只係15分鐘左右... 方便..... 當然.. 一分錢一分貨... 我地酒店係baiyoke sky 後面... 即係後欄..... 入到酒店大堂... 都唔錯呀... 幾有hip hotel feel呀.... check in時仲有杯冰凍橙汁黎walcome.... 加分.... lee道都要look card做deposit先.... 同佢request左要面向baiyoke sky (因為網上話有d房向住火車路會好嘈架) 佢話ok... 安排俾我.....

上房時.. 發覺lee道好怪.. 要上幾級樓梯先可以搭lift... 層層都係咁架bor.... 入到房.. 第一時間就去睇下係咪向火車路啦... 點知真係... 即刻打落去要求轉房... 因為之前book房已經request左... 拎房時又講過... 點知.....

好快有人拎過條key上黎轉去另一間房喇.... lee間... 係就係冇火車路, 之但係就地燈唔著同埋冇熱水.... 又拿拿聲打去, 叫人上黎整喇..... 原來.... 個熱水爐唔係我地想像中又開lee道又果道咁複雜既... 一拎就著...... 地燈係個燈泡燒左姐.. 佢換返又著返喇...

跟住我地就拿拿出發喇.. 因為果時已經係2點幾喇.... 我地要去食野同兌錢喇~~ 諗住去食出名平靚正既水門雞飯.....

我地諗住沿返頭先車行咁行返出去... 行下行下... 唔知去左邊... 有d氣餒想搵的士搭.. 點知的士唔知我地想去邊..... 又上唔到車.. 又熱........ 見眼前有間酒店(老公見到lee間酒店話下次試下住... 因為係路口好方便呀....不過就貴d lor)... ... 諗住入去抖抖... 老公又可以靜靜地講個電話.....

入到去... 我就問下人點行去big c果頭... 係邊個方向.... 佢地有張簡單既map... 話行出去路口直行, 過埋對面再直行就得.... 睇落都幾易行.....

咁我地又出發喇... 沿途都有d鋪頭同d檔仔... d檔仔好似廟街d檔仔咁款既..... 都有d野睇下... 行左冇幾耐.. 就見到big c個大logo喇... 行下行下.. 仲見到傳說中既水門雞飯tim..... 即刻沖埋去啦..... 點知... 冇人既?? d staff仲掃緊地tim... 走埋去問.. 原來2點鐘落場... 要5點先再開... 開到夜晚2點... 咁冇辦法啦... 今晚做完spa先黎食啦.....

咁就再行喇... 仲見到有檔野係幫d泰國佛換屋仔既... 老公話諗住過兩日過黎幫d師父換過晒d新屋.... 行左冇耐.. 就見到我地既目標-- super rich兌換店喇 .. 超級螢光橙既招牌...... 就黎行到去店時... 望到左手面就係我地今晚做spa既地方-- 7th sense 喇.... 好方便bor.. 今晚知點行黎喇....

super rich 真係比其他地方兌得高d.... 不過星期日係唔開既... 我地諗住... 睇下今晚仲有幾多錢先決定聽日兌唔兌....

由super rich行過對面.. 已經係新世貿 central world... 我地見到新既四面佛同埋象神tim... 新既四面佛像起到在水中央... 高高在上咁.. 好靚呀..... 我地走去d檔仔諗住買d野黎還神.. 點知唔識講..... 咁就買左一份野黎拜喇.. 因為冇得揀.. 得一款.. . set好晒有花串有香同臘燭 ... 老公話舊果邊d人識講廣東話架.....

咁拜完就出發shopping喇... 不過... 第一站都緊係要上去foodhall食野先啦... 上到去... lee道好似大陸d foodcourt咁..... 用card點菜既(其實唔知係咪大陸學人地先真呢).. 不過lee道道係食晒野先計返比幾錢.. 唔駛俾左一舊錢先既.... 我叫左個咩知咩魚鬆粉.. 個湯係好似叻沙果d咁既.. 酸酸辣辣咁... 都幾濃味... 有幾粒魚旦咁既... 再買多個椰青tim.... 之後再買多左個豬脾飯... lee個好好味呀..... 好似勝利道果d咁... gd... 仲平咁多tim....

食飽飽我地就落返樓下.... 展開我地既大出血環節喇..... 鄧鄧....... 我地先去行賣運動用品既地方... 先黎掃左3件nike t-shirt.... 有水藍/白邊,寶藍/白邊同白/紅邊... d料好通爽架.... 之後就去左levis買左條牛仔褲同埋t-shirt喇.... 底呀... 等於香港成6幾折... 以上物品除左件白/紅邊既nike t-shirt係俾細佬之外.. 全部都係老公既..... 而我就去左naraya買左4隻袋喇... 媽咪奶奶一人一隻, 我自己就一隻奶粉袋+一隻飯盒袋.... hehe.... (返到黎一試, fit晒個飯盒tim.. 真開心)..... 不過我地一心黎想買鞋.. 都睇唔岩... 雖然買得唔太多.. 但我地已經行左好耐喇

之後我地就去左食書仔介紹既法式火鍋喇... 環境都唔錯, 我地座outdoor.... 幾好... 不過座座下覺得好似想落雨咁... 都係轉返入面座喇.... 我地叫左2隻鍋,一個意粉同埋2支細啤, 有一個芝士鍋, 一個油泡鍋, 同埋一隻墨魚汁海鮮意粉..... 芝士鍋好好味.. 味道好似我地係瑞士食果次咁.. d味好濃, 有淡淡酒香.... 點面包食...... 正....., 而油泡鍋係我地係瑞士冇叫黎食既.. 所以今次叫黎試下.... 我地叫左豬肉同雞肉.... 佢地油泡鍋係跟好多小碟既醬料既.. 有芥末, bbq, 千島, 蒜香, 咖哩....... 仲有d唔記得lu.. 仲配有車厘茄同埋細細條既酸青瓜.. 好醒胃... 油泡鍋之前去歐洲時導遊話危險唔主張我地食.. 今次我地加倍小心.. 原來真係彈得幾勁.. 同拎左個炸鍋出黎冇咩分別.. 仲幾大油煙tim.... 我成日都怕唔夠熟.. 炸到變晒肉乾... 不過點d醬又好好咪.. 特別係蒜香醬... 真係好香呀... 而個墨魚汁海鮮意粉都好好味.... 都幾多海鮮.. 而且d墨汁都幾墨... hehe.... 雖然睇落唔係叫左好多野.. 但食落真係好飽... 我地都食唔晒咁濟...... serve我地既男仔好好... 咩都好肯介紹我地.... 之後我地食都咁上下... 果時已經係9點喇.... 我地仲搵個男仔幫我地call去做spa道想改時間... 因為我book左9:30嘛...... 但spa果邊話要ontime.. 因為佢地收12點bor.. 咁我地做2個鐘...... 怕唔夠time...... 咁我地就拿拿聲食喇....

原先仲plan可以食完火鍋去big c掃貨.. 冇啦........

之後就行返去7th sense喇... 入到去..... 唔太多人bor.. 拎返張e-mail出黎俾佢.... 我地book左間couple room.... 一齊做cappuccino spa, 做一個鐘咖啡+蜜糖牛奶磨沙, 一個鐘香薰油按摩, 今次冇浸牛奶花瓣, 因為上次試過.. 都冇咩姐... so唔做喇.....

一座底, 佢地就拎左杯好香椰味既茶俾我地飲喇, 又有條冰凍毛巾仔.. 之後就浸下腳... d水都幾夠熱架.. i like it~~~~ 老公就話熱得濟喇..... 一邊浸佢地一邊拎d好似鹽既野同我磨腳咁... 整完之後感覺好乾淨呀.. 不過就唔係幾好意思lor.... 因為又未沖涼... 佢地連腳指都捽埋呀....... 之後就俾我地揀香薰油喇.. 係for按摩用既.. 老公揀左茉莉, 我就揀左檸檬草, 即係香茅喇...

之後我地就上房喇... 上到房... 間房都ok bor.... 入面有埋沖涼房.... 我地就先沖涼.....
一開始就先做磨沙, 我就覺得幾舒服, 老公就話捽到好痛...唔通我d皮仲厚過佢???!!
做差唔多一個鐘.. 就去沖涼喇... 沖涼果時我覺得自己滑左好多呀.. 之前對腳鞋過沙紙嘛... 而家好似豆腐咁滑.. hehe....
沖乾淨就再開始做香薰油按摩.. 嘩..... 好鬼舒服.. 攪到我差唔多尾聲時訓著左tim.... hehe.....
按完後佢地話唔好沖涼住... 唔知係咪怕入風定點, 我地冇問... 因為問左佢都唔知我地up乜...
但係佢地自己執野出門口, 完全冇意思問我地tips.... 咁我地見咁細心, 又按得好好, 就叫住佢地俾tips佢地喇...
落樓準備走果時, 佢地送上椰香茶同埋冰凍jelly... gd... 又要加分..... then食埋佢拎定鞋出黎... 咁就送我地出門口喇... 果時都未夠12點......

咁我地又行返去酒店喇... 但以我地既性格.. 又點會捨得咁早返酒店呢.... 我地行呀行... 又去返雞飯店喇... hehe.. 明明唔肚餓.. 但點都要一試lee個咁出名既水門雞飯嘛.... 咁我地叫左一個share食.... 原來雞飯係有湯跟既... 個湯都幾好咪bor.. 係有d胡椒味既冬瓜湯黎.. 唔錯..... 個雞飯就都ok.. 唔係話好好好好味.. 不過個汁就都幾惹味.. 同埋d雞都叫滑既... 不過又唔係網上d人講到超好味lor.. 不過以咁既價錢黎計.. 就真係好好好架喇..... 只不過30匹... 唔洗hk$8.... 已經有飯有湯.. 去邊道搵......唔怪得咁夜都咁多人黎食啦....

食飽就閃人喇... 係門口見到有得賣山竹bor... e... 黎到未食山竹bor..... 買返d黎食下先... 買左20匹.. 已經有一大袋喇.. 之後就行返去酒店喇.... 沿途見到有間7仔... 又入去買支稔肉黎食下先....

返到酒店... 整理下今日既戰利品就訓喇.... 因此聽日既行程係好緊密呀........

做完spa我真係覺得自己好滑....... 但老公就唔得覺... 可能佢本身滑開.. 差別唔大啦... 我本身咁鞋... 效果特別明顯既.... hehe... (返到hk 成week, 我都覺得仲好滑.. 可能佢幫我去左d千年死皮........)

~~第二日行程完~~

其實我今日玩得最多既行程係去廁所..... 去左成7/8轉... 唉.... 都係d斯奄累事...... 以後都唔食喇.... 都未試過出去旅行會咁既.......

Thursday, June 5, 2008

泰國自由人之旅 Day 1 ~ 29-5-08

遊記不得不用上大量口語化才能表達到心目中的意景~~~

泰國自由人之旅 Day 1 ~ 29-5-08

Day 1 計劃行程 hkg => bkk =>bangsaen beach resort

Day 1 真實行程 hkg => bkk =>bangsaen beach resort

朝早5點幾就起身喇... 因為要6點出門口... 最終都要6點鬆d先出到門口...

落到樓下好在有架的士... 上車去青衣轉搭機場快線.. 到機場都7點未到.....

去到cx counter, 拎張e-ticket去check in.... 我地8:55機.. 要8:35到閘口...

我地先去食少少早餐先..... 見到新開左間大快活.. 來一個呀活牛扒早餐.. 有牛扒, 通粉, 餐包同埋杯咖啡..... 一份餐兩份食... 因為一陣飛機都有早餐食嘛....

食飽早餐我地就快速去買插頭喇... 搵左幾間.. 都搵唔到心目中果隻可以變幾種不同國家都用得果隻插頭.... 好在最後都搵到......

話咁快就8點幾喇... 我地上機lu.... 機外開始落雨喇... 希望去到唔好落啦....

今次飛機餐係奄列同唔好食既炒面.... bad......

到埗時泰國時間10:35, 攪埋入境我地就去兌左d錢先.. 因為身上有同事俾既4520匹.. 唔知夠唔夠用到聽日出返曼谷市... 之後拎埋行李都11點鬆d喇..... 唔知之前網上book果架車車有冇黎到呢??

出到去.... 好多人黎接機呀... 見到好多人舉牌接人.. 寫晒人名.. 我地兩個就金睛火眼咁四圍望.. 睇下見唔見到有我個名喇.....

好在.. 好快就搵到個賊眉賊眼人拎住張寫住"ms. red cheung"既人喇... 走埋去問佢係咪"mr.t", 佢係道"cup cup cup".. 之後就幫我地拎行李喇... 佢個人睇落都幾惡屎架..... 我都沿途行都冇同佢講野..

我地落左一層.. 過左對面既car park拎車... 我地諗.. 唔知會係咩車黎呢.... 到左原來係架好似jep仔既車車.. 高身d既... 座得都幾舒服....

上到車即刻俾返張圖佢睇... 話佢知去bangsaen beach.... 佢又lee lee lur lur咁唔知up 咩... 原來佢唔識講英文既...... 其實我有d驚... 唔知會唔會跟錯人上錯車...唔知車左我地去邊呢...

行左差唔多一個鐘既車程.. 我終於見到bengsean beack既大招牌喇...... 不過.. 司機好似唔係好知行邊.... 咁我地拎返張圖出黎.. 轉下轉下幅圖咁同司機講返... 拿.. lee道係海.. 咁即係行lee道啦..... 全程都係篤下幅圖又篤下lee道果道啦...... 因為佢唔識聽嘛.... 佢個人個樣就惡d.. 其實個人都幾nice架..

好快搵到酒店喇... 嘩.... 好靚呀~~~~ 間resort hotel好正呀.. 好似之前羅勇果d咁架... 正~~

仲好好陽光tim..... 海呀~~ 沙呀~~~~ 陽光海灘我地黎喇~~~

快d去check in先.... 俾左張print定既hotel voucher俾佢.... request要池景.... 佢話冇晒lu.. 俾個海景我地.... 之前book又話冇海景既?? 唔理lu... seaview咪仲好...

yeah~~ 攪掂.. 又過一關..... 酒店都攪掂埋喇.....

上到房... 嘩嘩嘩~~~ 要俾3個嘩佢.... 個view好正呀..... 椰林樹影.... 仲有個小露台... 好正呀~~ 話就話seaview... 但係個海俾d椰樹遮住晒... 係睇唔到個海既.. 只係見到藍天綠樹... 都好gd呀....

我地好快咁換好衫... 就沖落去喇..... 好好把握咁正既陽光......

落到去..... 見到好多太陽傘.. 有小食檔,又有d出租既沙灘椅...... 海上有水上電單車同埋香蕉船....

lee個海灘真係本地人黎多... 只係見到些少外籍人士...

環境都幾好.. 但俾我想像中就差dd.... 可能我心目中係藍藍清清既海同埋幼滑既沙...

沙有d粗.. 而且加上貝殼醉... 有d "un"腳.... 行出d d沙就幼d喇... 而海水混濁.... 好似沙泥炒起晒... 好多白浪..... 老公話係因為d香蕉船炒起晒e沙... 所以d水就好濁喇.... 但我見到就唔想游喇... 一來d水唔清啦.. 二來d水上電單車左片右片.... 都幾近岸邊.... 容乜易俾佢炒埋黎都唔知架.....

所以我地決定第二朝早d起身落黎影下相喇..... 希望見到d 水清d啦.....

咁我地係沙灘行下影下相... 就買野食喇.... 見到有檔賣串燒既.. 買左串燒八爪魚鬚... 佢燒完仲lo左d汁... 之後行去另一檔買左"賣飛佛"木瓜沙律...... 之後就行返去酒店附近既地方租海灘椅喇..... 座底慢慢食..... 座底又叫左燒"斯奄"同埋一個竹筒飯.. lee個飯我諗係lee道好出名.. 我見lee就d路牌都有d poster係影住lee d竹筒飯... 我叫左個黎食... 佢成個竹筒扑開左咁... 入面係d椰汁糯米飯黎....

八爪魚鬚加埋d汁真係好好味... 咁多樣野食最好味就係lee樣, 木瓜沙律都好味.. 而且隻生蟹仔都幾甜.. 唔係香港食果d咸咸腥腥.... 燒"斯奄"點埋d汁都ok..... 我同老公講如果第時返到香港我食物中毒一定係lee碟"斯奄"有問題... haha..... 而竹筒飯都幾香.... 糯米飯軟軟"un un".... 食到咁上下又有人黎賣野.. 今次係炸蟹仔有d甜酸汁既... 要左一盒... 把鬼... 好難食... 食左幾隻就冇食喇.....

d野越食越辣.... 老公去買左支cola.... 10匹一支... 另外加包冰, 加多10匹.... 真係唔底.... 之後再買多支1.25 cola....

座下hea下.... 又去買左個榴槤食.... 哈... 好味......

座到5點零我地就返去泳池游下水喇..... 游左陣我已經好"支力"喇... 返上樓沖埋涼就快手快腳落樓喇... 因為酒店放2杯drink.. 要7點前先有... 咁第二日我地又一早走... 所以就拿拿聲去飲啦....

上到房等沖涼之時.. 肚痛tim... 一定係頭先既野食出問題啦........

落到樓下酒吧.... 又話係d咩香草咩drink.. 原來咪係fruitpunch lor...... 仲甜到爆既tim... 咁老公就緊係打下機啦... 我當然都打埋一份啦.. 唔係做咩好......飲完之後都成7點幾喇...

之後去左同recep講叫佢幫我call車聽日返出bkk市.. 佢係咁sell酒店d車.. 嘩.. 貴一倍有多.... 俾埋card片佢叫佢幫我地講都唔肯.. 話自我地自己上房call... 緊係... 想我地俾生意你做咋嘛... 我自己諗辦法....

我地出發去食dinner喇... 都係諗住四周維行下.. 睇到咩食咩.... 因為都唔想行得遠... 我游完果幾下真係好"支力"... 好日都唔運動下... 身體係差d架喇... haha

行下行下... 去到有個好似大排檔既野.... 咁就座底喇.... 我地諗緊食咩之時... 不如問下佢地.. 叫佢幫我好call啦.... 哈.. 個老闆好好人呀.... 真係幫我地call左.... 不過都收返我地電話費... 不過都好啦.... 好過我地唔知點講嘛.... 咁我地就好安心咁叫野食喇.....

我地叫左個明爐魚, 冬陰功湯, 海鮮炒飯同埋香草炒肉, 仲有開黎大啤一支....

明爐魚好似冇香港咁好味.... 冬陰功湯都幾好味... d蝦仲好大隻tim.... 海鮮炒飯仲有d蝦大大隻... 之但係.. 冇諗過用黎炒飯既蝦都會留尾lor.... 吉屎我....... 香草炒肉真係幾香呀.....

仲心諗... 個menu又冇價錢, 見我地係遊客.. 今餐會唔會好金呢.... 好在.... 都唔係好貴咋... 都係5百幾匹咋......

食飽飽我地又出去沙灘行下喇.... 仲見到人地放煙花tim.... 不過都係玩d好咋既龍吐珠咋... 睇左陣影下相我地就返酒店lu....

返酒店前.. 都係去7仔睇下有冇野買先... 買左支稔肉腸同埋買左支蚊膏.. 好在係香港冇買..

返到酒店門口.. 又影下相先... 上到房門口... 係咁搵key.... 搵搵下有一兩點水滴落我手道bor... 我心諗係咪想落雨呀.. 都未諗完已經越落越大喇.... 入到房... 已經係香港既超級雷暴咁.. 勁大雨.....

上天真係對我地不簿.... 返到酒店先落大雨..... 好在.... 我地仲諗緊頭先係沙灘放緊煙花同談緊心既人e+點呢??

沖完涼食埋兩盒士多啤梨乳酪同埋支稔肉腸就瞓喇......

~~第一日行程完~~

28-5-08 出發前之心情

28-5-08
我們籌備多時的泰國之旅終於出發了...
第一次自由行到言語不通的地方, 心情有點忐忑...
一來擔心天氣.. 因為check到泰國正值雨季, 近幾日更是雷暴.....
二來網上訂的酒店到埗時說沒有房, 又擔心言語不通...
不知今次行程如何?? 期待.........

p.s. 感謝同事借來的4520匹.......

Wednesday, April 23, 2008

最後一句「我愛你」

<<文章來自網路>>

最後一句「我愛你」

有對老夫妻年逾五十,經濟條件不錯,理當是安享退休生活的時候,卻相偕到律師那兒要辦離婚。
原因是自從結婚以來,兩人爭吵不斷,老是意見不合,個性上又南轅北轍十分不和諧,二十多年的婚姻生活,要不是為了孩子著想,早就勞燕紛飛了。
好不容易總算盼到孩子們成年,再不需要父母操心,為了讓彼此在晚年能自由的生活,不用再忍受那麼多無謂的爭吵,決定辦離婚。
這一刻在律師面前,讓律師也面有難色,律師費都有點不好意思收了,於是他提議辦完手續後,三人一起吃頓飯。
老夫妻想了想,雖然離了婚,兩人又沒什麼深仇大恨,吃頓飯總可以吧!
餐廳裡三人氣氛非常尷尬(想也難怪,陌生的律師和兩個剛離婚的人)。
正巧服務生送來一道烤雞,老先生馬上挾起一塊雞腿給老太太說:「吃吧!你最喜歡吃的雞腿。」
律師眼精一亮,心想事情也許有了轉機哦!
未料老太太紅著雙眼說:「我很愛你,但你這個人就愛自以為是,什麼事都自已說了就算,從來不管別人的感受,難道你不知道,我這輩子最討厭吃的就是雞腿嗎?」
這時老先生也有點哽咽的說:「你...總是不了解我愛你的心,時時刻刻我都在想,要如何討你的歡心,總是把最好的留給你,你知道嗎?這輩子我最喜歡吃的就是...雞腿。 」
律師看在眼裡,不免鼻頭一酸,兩個如此深愛著彼此的人,卻因為溝通出了問題而面臨分開的局面。
這一晚兩人心中都有著無限的感慨,這麼多年的感情卻要面對如此殘酷的結局。
老先生整晚翻來覆去睡不著,心中陣陣如火燃燒般的痛在心底無情的煎熬著。
他考慮了很久,強忍著痛苦打電話給老太太,想要表達他內心的後悔,他想告訴老太太,他是多麼的愛她。
電話聲響了,老太太知道一定是老先生打來的,但是她心中充滿了恨,她覺得是老先生負了她一生,她不想再聽到他的聲音。
電話不知響了多久,老太太就是不接,婚都離了,面子重要,怎能接電話,甚至她把電話線都拆了。
老先生手握著冰冷的話筒,聽不到老太太的聲音,心中有如刀割一般,久久無法釋懷。
其實這一天晚上老太太也是在傷心中輾轉難眠,而且她忘了...老先生他有心臟病。
隔天,老先生被發現死在自已家客廳,手裡還緊握著電話筒。
老太太知道這個消息後簡直無法相信,為了賭一口氣,竟然讓自己深愛的人在心碎中死去,這時候任她如何大聲的呼喊也喚不回老先生的回眸一笑。
老太太柔腸寸斷的整理老先生的遺物,突然發現抽屜裡的一張保險單,投保日期就是當年他們倆的結婚日,受益人當然是老太太的名字,雖然金額只有一佰萬元,但是當中夾著一張字條-
- 「親愛的,當你發現這張保單時,也許我已經不在這人世了,但我愛你的心不會改變,照顧你的責任更不會終止,這些保險金將代替我,繼續給你無微不至的愛與關懷,一如我仍然在你身旁,永遠愛你的...」
看到這裡老太太早已淚如雨下,她真的沒看走眼,他是真心願意照顧自已一輩子的人。 

千萬不要讓生命中有這樣的遺憾,早早放下心中無謂的面子、成見,用愛與包容,真心的對待,否則你可能錯過這一生深愛你的人最後一次所說的:「我愛你!」到時再多的悔恨也無法挽回這樣的遺憾。
更提醒您,要把握住機會,讓心愛的人知道你有多在乎她,勇敢的說出來吧!
假若你真的說不出「我愛你」這三個字,只要你用心,總有一天她終會了解的。

搶米潮之"五公斤金象米"


早前一股掃米潮... 超市內放米的貨架空空如也...
網上有人拍賣白米... 炒至八十多元一包....
但發現... 現在的人真有創意....
以下是轉載自拍賣網上的問答對話... 十分有趣哦...
雖拍賣已完結, 想了多時.. 終忍不住放左網誌上.....
開心嘛..

來自http://hk.f2.page.auctions.yahoo.com/hk/show/qanda?aID=b7753866的對答如下:

問題1
ryan2****** (6) : 甚麼地方交收?你有多少數量?
2008-04-05 16:57
答覆
jackywong666 (18) : 大量, 屯門區交收
2008-04-05 19:42
問題2
roller_coaster2**** (7) : 入面有幾多粒米?
2008-04-05 18:09
答覆
jackywong666 (18) : 你有冇電子磅? 有既睇下一米幾重自己除一除啦
2008-04-05 19:41
問題3
roller_coaster2**** (7) : 冇喎,你計到有幾多粒
2008-04-05 20:50
答覆
jackywong666 (18) : 我估點都有1万以上!
2008-04-06 00:01
問題4
rgoodtake2**** (77) : 有無金鳳米呀?
2008-04-05 22:20
答覆
jackywong666 (18) : 有呀!都係70蚊!
2008-04-06 00:01
問題5
rgoodtake2**** (77) : 咁有無雙羊白搭米呀
2008-04-06 00:07
答覆
jackywong666 (18) : 有丫!糙米白米紅米都有呀!
2008-04-06 00:11
問題6
rgoodtake2**** (77) : 唔知雙羊白搭米可唔可以搭意粉呢?其實你有幾多貨呢?因為我想開一間西餐廳
2008-04-06 00:12
答覆
jackywong666 (18) : 搭通粉仲好呀! 我D貨多到開酒樓都OK架
2008-04-06 00:13
問題7
rgoodtake2**** (77) : 唔好,你咁西...洋化.....岩晒開西餐廳啦,開酒樓浪費左你既天份
2008-04-06 00:15
答覆
jackywong666 (18) : 你係咪買架
2008-04-06 00:16
問題8
hkbn_****** (無) : 呢排唔係好夠錢我可唔可以剩係買20粒 20粒幾多錢? 有冇直接bid價
2008-04-06 00:17
答覆
jackywong666 (18) : 你班膠登仔唔好阻住做生意喎:o)
2008-04-06 00:19
問題9
rgoodtake2**** (77) : 我多口吹下水姐,順便格下價,其實我教你一條一本萬利既好計.你將d米一粒粒咁種,假設一粒米生多十粒出黎,你一百包米就變一千,一千就變一萬,如此這般去到一兆包,你仲唔發達?
2008-04-06 00:19
答覆
jackywong666 (18) : 咁我2千万賣一包俾你啦,可以賺一兆包番黎架
2008-04-06 00:20
問題10
comemon4***** (無) : 有冇谷牛賣?我個女想養^^
2008-04-06 00:20
答覆
jackywong666 (18) : 金香牌就有谷牛, 有谷牛貴5蚊
2008-04-06 00:22
問題11
comemon4***** (無) : 今可唔可以買谷牛送米?谷牛5蚊?
2008-04-06 00:23
答覆
jackywong666 (18) : 送條毛俾你就得, 送米我好蝕架
2008-04-06 00:23
問題12
lam_chi_***** (17) : 巴打,唔好上網搵圖咁無誠意,介唔介意影你個倉出黎?
2008-04-06 00:29
答覆
jackywong666 (18) : 影個倉出黎我怕天水圍班c9去搶呀
2008-04-06 00:32
問題13
samuel0***** (-1) : 我想買一千包呀..有冇得平d?因為我間工廠有好多工人等開飯..可唔可以叫fedix送黎..叫佢搵工場的張就得..
2008-04-06 00:29
答覆
jackywong666 (18) : 那一個張?
2008-04-06 00:31
問題14
im2h****** (1) : 我想問米, 邊隻米最岩用
2008-04-06 00:32
答覆
jackywong666 (18) : 問米緊係金像啦方力申用佢黎問米架
2008-04-06 00:33
問題15
louii**** (無) : 我想要酒米,你有冇?
2008-04-06 00:36
答覆
jackywong666 (18) : 自己係鼻頭掘啦

Thursday, April 17, 2008

兒時兒歌之經典童謠篇

兒時的唱過的經典童謠.. 很懷念我的小時候呢.....

歡笑樂園開心地
歡笑樂園開心地 開心到日夜笑嘻嘻
喜氣揚眉歡笑面 我地大家歡聚真有趣
我成日要聽大家笑 連細蚊仔個度笑起
成日大笑多美妙 大家開心唔谷氣
嘻哈嘻哈嘻哈嘻 歡欣多喜氣
到開心世界真歡喜 歡天喜戲笑嬉嬉
歡笑樂園開心地 開心到日夜笑嘻嘻
嘻戲讓你歡笑面 我地大家歡聚真有趣
有D明星好長氣 今晚就唔同 一於令你地 開心大笑到碌地
歡笑樂園開心地 開心笑到落腳趾尾 喜上眉頭多快樂 闔家歡樂真有趣
嘻哈嘻哈嘻哈嘻 我地大家歡聚 個個歡笑歌唱 嘻嘻嘻 哈哈哈……


道理真巧妙
個鐘的嗒跳 個鐘的嗒跳 個鐘的嗒一聲等於一秒
動作真巧妙 道理真巧妙 仲會鐘擺兩面搖
個心卜卜跳 個心卜卜跳 每分鐘都不多不少
在賽跑之後 受到驚謊後又 會加速心跳
我想知 我想知 到底點樣整鐘錶
內裡的巧妙 內裡的巧妙 在那小小發條
個心點解跳 個心點解跳 循環現象不可少
讓血出心臟 導血返心臟 罷跳一分不得了
愛惜一分秒 愛惜一分秒 到底一分鐘等於多少
任你千千萬萬 任你千千萬萬 亦買不到多一秒
願愛惜 願愛惜 愛惜光陰惜分秒
用心的學 用心的練 競賽之中爭分秒


親親爹地
仔: 爸爸, 爸爸, 如無紅日照耀, 我們怎麼了?
爸: 唔…如果個太陽唔照我地呢, 你一定會覺得好驚奇喇, 咁只要你「猛」大對眼, 望住個天, 求求清風將你吹送到天空上, 那落日定把光輝照
仔: 爸爸, 爸爸, 我怕那風不吹, 我又怎麼了?
爸: 如果風不吹, 空氣也不動, 咁你隻帆船仔就行唔到喇, 紙鳶又飛唔起, 小草睇見你咁可憐個樣呢, 佢就會, 講比清風知, 風會慢慢地吹送
仔: 爸爸, 爸爸, 我怕草不生長, 我又怎麼辦?
爸: 啊! 如果D草唔肯生長, 咁或者你會喊喇, 咁於是泥土就會比你眼既眼淚滋潤番, 好似你鍚爹地咁, D草就會越生越多喇, 這大地盡是小草苗
仔: 爸爸, 爸爸, 如果我唔鍚你, 你估會點呢?
爸: 如你咁忤逆小草長不成, 成天黑MUNG MUNG, 清風立刻停, 所以你要先如果要想呢個世界美麗同埋快樂呢, 你要熱烈地親親爹地,
寶寶噢! 要熱烈地親親爹, 聽到嘛寶寶?
爸+仔: 要熱烈地親親爹地

爸: 你鍚唔鍚爹地?
仔: 鍚!
爸: 現在就親親爹地, 寶寶啊! 要現在就親親爹地……



讓我閃耀
讓我閃耀 讓我閃耀 讓我發出光輝將個世界照
培育幼苗 培育幼苗 培育幼小天天進步實在妙
共唱歌調 共唱歌調愉快歌調入雲霄
同渡可愛歲月多歡笑 兒童內心美又俏
讓我閃耀 讓我閃耀 讓我發出光輝將個世界照
培育幼苗 培育幼苗 培育幼小天天進步實在妙
共唱歌調 共唱歌調 愉快歌調入雲霄
能令整個世上添歡笑 如同亮光世上照
能令整個世上添歡笑 如同亮光世上照


小時候
小小的宇宙 歡欣的宇宙 蹦蹦跳 哈哈笑 是我小時候
小小的宇宙 天真的宇宙 真的我 真的你 唔係小木偶
愛動腦筋 活潑天真 凡事好發問 踢波跑步打千秋 不知天高地厚
小小的宇宙 繽紛的宇宙 像地球 天天轉 奇妙是不斷有
像地球 天天轉 奇妙是不斷有



小寶寶
(各位小朋友, 小寶寶做喇, 快d叫埋你媽咪一齊睇啦)
小小種子快快大 寶寶天天的長大

呱呱墮地更加長得快 日日飲幾樽奶
鍛練視聽力 頭像那鐘擺 懂得將手腳搖擺

小寶寶充滿天真 樂牙牙學語更乖 識走識跑跌到大
身經許多的失敗 寶寶學習知識增長快 日日展新姿態


醒目仔
我要做個好乖乖 樣樣識得快 學野又快 點下我就明 完全明白晒
醒目仔 好精乖 完全冇學壞 爸爸媽媽都稱讚 讚我個乖乖叻晒
我要做個好小孩 日日都精乖 學計數 歌唱與彈琴 籃球樣樣快
醒目仔 天真最乖 完全冇自大 期考成績表一派 科科都 OK 晒


試過方知道
看看似真的很輕鬆 試過方知到 現實共所想不太似 原來能跨闊步
試過了方知真的苦 以往不知道 原來小小既步驟 我都做不到
實現理想 (實現理想) 逐步去試做 (逐步去做)
慢慢探討 (漫漫探討) 試過方知到 (切戒急燥)
吃過了今天的辛苦 有太多鼓舞 原來只須努力 做我都做得到
如憑空想欠努力 永遠都做不到


三人行
童年時逢開窗,便會望見會飛大象 但你罵為何我這樣失常
而旁人仍痴痴,話我現已太深近視 但我任人胡說只是 堅持
飛象兒共我,常在那天上漫遊 要用笑造個大門口,打開天上月球
※齊話聲,漫長漫長路間 我伴我閒談 漫長漫長夜晚,從未覺是冷 
漫長漫長路間,我伴我閒談 漫長漫長夜晚,從未覺是冷※
年齡如流水般,驟已十八與星做伴 沒有別人來我心內敲門
而旁人從不知,亦懶靜聽我心內事 但我現能尋到解悶鎖匙
星與月兒共我,常在晚空內漫遊 笑著喊著結伴攜手,空中觀望地球
Repeat ※
從前傻頭小子,現已大個更深近視 但已練成能往心內奔馳
而旁人仍不歡,罵我自滿以心做伴 但我任人胡說只是旁觀
心就如密友,長路裡相伴漫遊 聽著我在說樂和憂,分擔心內石頭
Repeat ※


阿花的故事
名字叫阿花搖著尾巴 牠只喝牛奶 哪日跟我在喝茶
陪我讀書偷懶從來無責罵 夜晚阿花專愛樑上爬
然後我變得強又高 花貓卻沒有變胖只有換了毛
元旦母親祝我年年進步 但永沒對阿花講句長壽不老
從末忘記那天淋著雨水 當天我獨個上學只有六七歲
而我終於知道為何流眼淚 在那日阿花消失世間裡

兒時兒歌之卡通篇

仙巴歷險記

從前未覺宇宙這麼大 全憑人冒險去走天涯
那怕是懸崖峭璧荒山野嶺 無用害怕應該放開胸懷
不管高山茫茫大海 廣~~闊無崖 懷著理想 仙巴他有 毅力新境界
遙遠仙巴莫怕 行程萬理有新境界崎~嶇 你咪害怕 提起勇氣開步快

木偶奇遇記

不用拉線扯眉頭 不求傍人扶我隻手 今天我不拿知有 無繩又無扣
不再雖要跟隨人 拉行條繩抆我走 無牽掛不求傍人 我都無繩又無扣
開心真正快樂 不必優信皺眉頭 今天我都無恨仇 心中歡暢樂悠悠
不再抆線心頭 無仇無人時時來抆我走 心開透優悠自由 我都無繩又無扣

小飛俠

喂喂喂喂喂 係會飛飛飛飛 乜佢個人會飛
又會一飛沖天飛 又會周身郁咁飛 我個人似飛機
專登飛黎探你地 一於要令你笑揚眉
我叫做 PETER PAN 係小朋友既老友記
令你猛笑哈哈哈 令我開心嘻嘻嘻 笑到個人跳起
又會打低令 佢一仆兼一碌 實行我最威威
好睇過超人上電視 好睇過電影卡通戲
小飛俠 PETER PAN 係小朋友既老友記

藍精靈

百厭活潑快反應 總知沒法靜一靜 陣陣笑聲 實在動聽 一群寶貝心肝定
藍精靈 十分勁 反斗激氣真要命 沒法叫暫停 是活潑
藍精靈 勁中勁 呢班馬騮唔定性
要佢做野無反應 一講食野好知食 動靜夠多 辦事實禍 幾時得佢生生性
藍精靈 十分勁 貪玩貪笑真要命 視你若無形
是沒法 停一停 定一定 呢班小鬼唔定性
世界上滿載歡笑 輕鬆愉快不可少 特別夠CUTE 人人話俏 聰明可愛通心竅
藍精靈 十分妙 IQ高到出意料 師父都偷笑 讓活潑藍精靈 在閃耀 山邊海邊隨到跳

IQ 博士

靈感 IQ稱得上 十分之高超 創作力量同幻想 會嚇你一跳 小雲同小吉 好重要
美夢如炸彈 開心的轟炸 天空朗日也偷笑 豬仔來啦!
無愁無慮似天使 天天帶著笑 浮浮沉沉天空裡 自在像小鳥
古怪事情多得很想 講也講不了
人人朝著那方向 心中帶著笑 浮浮沉沉天空裡 熱烈地呼叫
興奮事情嘻嘻哈 開心到不得了


千年女王

傳說中有個女王在世上 長長頭髮 兩眼似星光

傳說中這女王善變似 白雲樣

宇宙極奇妙 永恒是留在你心 熱望在你心內燃亮 低聲歌唱

誰令妳 眼裡載滿了悲傷 唯願妳 眼裡載滿了星光

傳說中 這個女王極漂亮 無窮神秘 叫你幻想

傳說中 她經過千載中 風雨霜

廣闊星際間 她可以自由地往返活力 是那生命點光 使她奔放

誰令妳 眼裡載滿了悲傷 唯願妳 眼裡載滿了星光

宇宙大帝

神奇大帝主宰太空 三位忠心戰士 有勇氣 更有熱誠 似個正氣大孩子

星空軌跡裡飛 任務極神秘 看遠處家鄉之星 星光何明媚

狙擊奸黨惡魔 就是浩懷大志 我要這世界和平 肅清星空惡風氣

三位一起出擊 三軍一起出擊 快快去 大結合

力量勝萬能士 人盡讚美 星光閃過 那是我在太空飛

力量勝萬能士人 盡讚美 星光閃過 那是我在太空飛 像戰機

黃金戰士

烏蠅都嚇死 貓兒都嚇死 周身機關了不起

是用純正黃金來做你 自動變戰士

聰明伶俐 神力夠犀利 黑心醜惡奸鬼要迴避

奸賊作反全力對抗顯本事 不偷懶不識話費事

驅惡魔不許污染此地 警戒他 使他不敢太卑鄙

維持治安永打不死 將魔黨盡掃除

盡力追 盡力追 盡力保護大地 神奇無敵世人知

高飛吧 高飛吧 解開危機 一起肅清惡罪正氣

永遠維護勇氣 永遠無懼前進 衝刺那管雷和雨 金色的勇戰士

忍者小靈精

又越過高山 又越過谷 忍者身體似飛機 天空任意飛

正直善良靈精 令人地歡喜

讓兩眼睜得圓圓合緊那小嘴 隱起面貌矇起了面腮也漲起

捉惡人靈敏身手快似電光去 捉壞蛋新招古怪好比玩把戲

談話似詩那樣禮貌又神氣 小孩子最友善與你做朋友 忍者喜歡你

讓兩眼睜得圓圓合緊那小嘴 隱起面貌矇起了面腮也漲 起

捉惡人靈敏身手抉捷電光去 捉壞蛋新招古怪好比玩把戲

談話似詩那樣禮貌又神氣 小孩子最友善與你做朋友 忍者喜歡你

我係小忌廉

星空裡萬物在轉 歷憶萬年 星飛過願望實現 力量像一個活神仙

和同伴起舞轉又轉 繽紛心裡閃 誰贈我星光千百點 色彩幻變

多甜蜜 這張可愛歡笑面 像是十全和十美 這小忌廉

倚明月唱出心中理想志願 默默助人從沒怨 這小忌廉

心的奉獻 美的奉獻 愛的奉獻

精靈俏女巫精

靈趣怪女巫 嬌嬌俏俏女巫 活像活像大細路

歡欣天天製造 衝出心中惡夢 帶笑對你說聲早

閃出眼內熱情 心中快活莫明 仿佛與你雲外舞

也許想得太好 即使跌倒 走不出抓泥土

心中有預兆 感應比你早 倘使有禍害 會替你修補

我要為人人 祈求能做到 投入快樂元素 成愉快的泡泡 豎立快樂旗號

What's Michael?

What's Michael? What's Michael? kimi mo i doa NUMBER ONE

What's Michael? What's Michael? dokida aisumo NUMBER ONE

waisu Michael NUMBER ONE waisu Michael NUMBER ONE

伙頭仔昆布

Ita Da Ki Masu!

嘩! 伙頭仔昆布佢廚藝頂呱呱 嘩! 伙頭仔昆布佢從未肯丟架

個個細路愛他 要佢教煮o野食 個個細路細路細路都張開嘴巴

肥肥胖胖日夜吃到肚腩大過瓜

天熱有最o岩你口味做雜錦西瓜 飢餓有正紫菜拉麵拌壽司青瓜

Ichiban Ichiban Ichiban 加多一杯綠野雪花

嘩! 伙頭仔昆布佢調味誇啦啦 嘩! 伙頭仔昆布勝對手一打打

個個細路愛他 要佢教煮o野食 個個細路細路細路都張開嘴巴

肥肥胖胖日夜吃到肚腩大過瓜

嘩! 昆布美點實在頂瓜瓜 吃過會聽說話 個個也愛媽媽

看似吃下雪花 試過再想要吧 肥肥胖胖日夜吃到肚腩大過瓜

天熱有最o岩你口味做雜錦西瓜 飢餓有正紫菜拉麵拌壽司青瓜

Ichiban Ichiban IchibanToisyo Toisyo Toisyo...